يوسف سعود مغربي مقيم في أمريكا
صدقا مكانتش عندي فكرة على الدعم الاجتماعي المباشر.. يالله اليوم بديت نطلع على scoring المندوبية ونشوف منهجيهم.. وباقي التفاصيل..
خاص المغربي يكون عايش في الضس.. يعني يعيش خارج عالم اليوم، أي مقاييس ما كانت تعيش شعوب قبل 60 عام.. باش تعطيه 500 درهم؟؟؟؟
لهذه الدرجة المغاربة ولا رخاص؟؟ باش تستفد من الدعم خاص مايكونش عندك دوش وبارابول ودراجة و… يعني باش تجيب تنقيط يسمح ليك تستفد خاص تكون تعيش خارج التاريخ.. تعيش في كهف وصافي.. شنو غادي دير ب500 ونتا ماعندك والووووووو؟؟
منين كتقارن مقاييس صرف الدعم بين بلدان اخرى كتلقى هاد التفاصيل اصلا مابقاتش عندهم الطبيعي هو وسيلة نقل تكون عندك وعندك شقة فيها حمام سخون ومربوطة بالغاز و… يعني في عالم اليوم هذا هو الطبيعي.. في المغرب واش عندك بارابول؟؟؟ لهذه الدرجة وصلت الهشاشة في المغرب؟؟؟ ولي عندو بارابول وموطور والضو والما و.. يعيش الهشاشة مع وقف التنفيذ.. تبا لكن من بغا المغاربة يبقاو عايشين في استندرز متواضع ويفرض عليهم عيش صعب رغم أن البوطونسييل يمنح وضعا افضل بكثييير