أهروش عندو فوبيا من الصحافة و حنى مفراسناش !!

أهروش عندو فوبيا من الصحافة و حنى مفراسناش !!

فالوقت اللي جميع المؤسسات الرسمية و غير الرسمية بالمملكة كتحاول تقطع مع سياسة الماضي لي كانت تمر فيها الجموع العامة واللقاءات الهامة عبر الإختباء و الجلسات المغلقة و الكولسة، كنلقاو باقي ناس و هما شخصيات عامة باقين كيتخلعو من شي حاجة سميتها الصحافة.

سي محمد سعيد أهروش، قيادي كبير في حزب الأصالة والمعاصرة صباح ،اليوم الجمعة، كان حاضر فجمع عام ديال جمعية التضامن موظفي ومنتخبي غرفة الصناعة و التجارة  وقبل ما يبدا اللقاء، لاحظو الحاضرين باللي كاين مراسل صحيفة إيكوبريس فالانتظار.

جا رئيس مقاطعة السواني، أهروش “الشجاع”، و قال للمراسل  باللي الجمع العام مغلق!! لهنا غادي يتفهم أن الأمر عادي و هادي رغبة الأعضاء.

لكن المفاجأة الكبيرة: المراسل جاء بدعوة رسمية! كما سائر الدعوات لي موقعها نائبة الرئيس نادية الزايدي.. والكارثة الأعظم، أن أهروش تفاجئ فاش لقا فوق مكتب الاستقبالات لائحة الحضور و لائحة السادة ممثلي الصحافة حتى هي و زرب عليها بسرعة  … يعني فالأصل الجمع العام كان مفتوح أمام العموم، ولكن ربما فوبيا أهروش عندها رأي آخر…

الرئيس ما وقفش هنا، حلف بحلوفو ما تدخل حتى كاميرا، ودخل معاه  فالبطاقة والوثيقة.. وهنا كانت الصدمة الثالثة الامور مضبوطة ..

محاولات من بعض الوجوه  لاستدراك الموقف بائت بالفشل بعدما فضل مراسل صحيفة إيكوبريس المغادرة لأنه بالعربية لا يقبل أن تهان كرامته.

أوا حتى لهنا كيبقى السؤال المطروح ، علاش أهروش بوحدو لي نقز من المقلة !! بينما الجمع فيه اكثر من عشرين شخص ، إلى كانت فوبيا دبصاح راه خصّا تكون فالزائد و الناقص اولاً اسي الرئيس !!! و زعماك نتا ولد الضومين أو نسيتي أيام لاديبيش…

يتبع …

إيكوبريس : توفيق الوهابي